Бүгүн Маалыкай түбэтигэр улуус ааспыт сыллааҕы үлэтин отчуота Мэҥэдьэк нэһилиэгиттэн саҕаланна.
Нэһилиэнньэни тус боппуруостарынан приемнааһыҥҥа дьиэ өрөмүөнүгэр уонна доруобуйа харыстабылыгар сыһыаннаах боппуруостар киирдилэр. Хатыы олохтооҕо Дьокуускайтан мобильнай биригээдэни кытта кэлбит нейрохирурга көрдөрөр туһунан ыйыталаста. Улуустааҕы киин балыыһа кылаабынай бырааһа Артем Ксенофонтов эппитинэн, кини өйүүн консультацияҕа киирэрэ быһаарылынна.
Итини таһынан нэһилиэктэргэ чэпчтиилээх эминэн хааччыйыы, окулиска консультацияҕа сылдьыы, биэнсийэлээхтэргэ босхо бырайыас, тыа хаһаайыстыбатыга үлэ ыстааһын, биэнсийэ мунньуллар чааһын туһунан ыйытыктар киирэн хоруйданнылар.
Отчуоттуур мунньахха өрүскэ киирэр суол өрөмүөнүн, бэкээринэ, төрүүр ынахха көрүллэр субсидия, өртөөһүн, нэһилиэккэ тренери 0,5 штаты салгыы үлэлэтии туһунан ыйыттылар.
Кэпсэтиигэ кыттыбыт дьон улуус үлэтин биһирииллэрин биллэрдилэр, тыа хаһаайыстыбатын кыһалҕалаах боппуруостарынан санааларын үллэһиннилэр.
«Ньурба» хаһыат