«Сахалыы дьыктаан» аахсыйа ыытыллыбыта быйыл номнуо 11 сыла.
Дьыктаан ыытыллар сыала-соруга: саха тыла киэҥ эйгэҕэ — билимҥэ, култуураҕа, үөрэхтээһиҥҥэ, дьыала-куолу тылыгар, үлэ араас салааларыгар, тэрилтэлэргэ туттуллар, сайдыбыт истииллэрдээх, олоҕурбут нуормалаах судаарыстыба тыла буолар. Таба суруйуу литэрэтиирэ, сурук-бичик тылын нуорматын биир суолталаах салаата.
Бу тэрээһин оскуола оҕотуттан саҕалаан улахан дьоҥҥо тиийэ табатык суруйууну уонна төрөөбүт төрүт тыл кыһалҕаларыгар уопсастыба араас араҥатын болҕомтотун тардар сыаллаах ыытыллар.
Быйылгы дьыктаан саха фронтовик суруйааччыта Тимофей Сметанин «Кыайбыттар ыһыахтара» айымньытынан суруйуу буолла. Былырыыҥҥыттан дьыктааны 2 былаһаакканан ыытабыт: оскуолаҕа уонна бибилэтиэкэҕэ.
Барыта холбоон 23 киһи кыттыыны ылла, олортон 13 киһи «Бастыҥтан бастыҥ суруксут», 8 суруксут «Бастыҥ суруксут» ааты ыллылар. Сылтан сыл аайы дьыктаан суруйар дьон элбээн иһэрэ үөрдэр. Кыттааччыларбытыгар барыларыгар туоһу сурук, добун суруктар туттарылыннылар.
Матрена Габышева, Мэҥэдьэк