Дьиикимдэтээҕи Маргарита Борисова аатынан «Утум» норуот айымньытын дьиэтигэр Саха норуодунай поэта Иван Гоголев Кындыл «Мин тапталым — поэзия» хоһоонунан Саха тыйаатырын айар талааннаах артыыстара уус-уран дьүһүйүү көрдөрдүлэр.
Киэн туттар киһибит Маргарита Михайловна төрөөбүт дойдутугар, бэйэтин аатын сүгэр култуура дьиэтин сыанатыгар долгуйа, дуоһуйа хомоҕой тыллаах хоһоонунан уруйдаабыта дьон сүргэтин көтөхтө.
Биир дойдулаахтарбыт үтүө-мааны тылларын этэн, алгыстарын анаатылар, ааспыт сылларга Бүлүү бөлөх улуустарыгар ыытыллыбыт «Абакайаада аартыгынан» монолог күрэҕин, Розалия Михайловна Тихонова көҕүлээһининэн «Утум» норуот айымньытын дьиэтин иннигэр оҥоруллан турар Абакайаада уобараһыгар скульптурнай дьүһүйүүнү Тыйаатыр артыыстара, айар кэлэктиибэ астына киэн тутта көрдүлэр.
Ньурба култуурата