Ф. Г. Сафронов аатынан киин библиотека ааҕааччыны кытта үлэлиир салаа үлэһиттэрэ Ноева М. Р. уонна Васильева Р. П. Ньурбатааҕы Техническай лицей интернатын үөрэнээччилэригэр Россия Ийэлэрин күнүгэр аналлаах «Ньурба Далбардара — Саха суруйааччылара» диэн инфочаас ыыттылар.
Бу тэрээһиҥҥэ оҕолор Ньурба сэттэ суруйааччы дьахталларын туһунан билистилэр. Үөрэнээччилэр Варвара Потапова, Клара Васильева, Галина Томская-Айыына, Галина Фролова, Ангелина Данилова, Ольга Софронова-Суһум, Алла Сельтюкова-Айаалла хоһооннорун ааҕан иһитиннэрдилэр.
Айар куттаах Далбар хотуттарбыт кэрэҕэ угуйар истиҥ иэйиилээх айымньыларгыт дьон биһирэбилин ыла турдун, сытыы бөрүөҕүт хаһан да сыппаабатын! Оҕолор Ньурба суруйааччыларын ааҕыҥ, бүгүҥҥү үтүө түһүлгэбитигэр кыттыбыккытыгар махтанабыт!
Ааҕааччыны кытта үлэлиир салаа