Сэтинньи 28 күнүгэр К.Д.Уткин аатынан «Норуоттар доҕордоһуулара» түмэлгэ «Ийэ ыйа» түмүктүүр тэрээһин ыытылынна.
Улуус баһылыгын социальнай боппуруостарга солбуйааччы Наталья Петрова ийэлэргэ анаан эҕэрдэ тыл эттэ, «Күн күбэй ийэ» II-с истиэпэннээх бэлиэни Ньурбачаан нэһилиэгин олохтооҕор, 8 оҕо ийэтигэр Евдокия Сергеевна Куприяноваҕа, 4 уонна онтон элбэх оҕолоох ийэлэргэ Ийэ хапытаалын сэртипикээттэрин туттартаата. «Ньурба куорат» МТ баһылыгын солбуйааччыта Павел Необутов «Көмүскэл» иистэнэр сыах салайааччытыгар Галина Федороваҕа, Зинаида Мухоплеваҕа, Николаева Алинаҕа, маны сэргэ куорат төлбэлэрин актыбыыстарыгар Светлана Алексееваҕа, Туйаара Габышеваҕа, Валентина Ивановаҕа, Ольга Васильеваҕа, Анна Дмитриеваҕа, Алдана Мухоплеваҕа, Сардана Аввакумов аҕа, Мотрена Шадринаҕа эҕэрдэ суруктары туттартаата.
Улуустааҕы дьахтар сэбиэтин бэрэссэдээтэлэ Альбина Ермолаева мустубут ийэлэри Ийэ күнүнэн эҕэрдэлээн туран, СӨ дьахталлар тэрилтэлэрин сойуустарын аатыттан эдэр көлүөнэни иитиигэ уонна Ньурба оройуонугар гражданскай уопсастыбаҕа кылаатын иһин, бочуотунай грамоталары Хаҥалас нэһилиэгин дьахталларын сэбиэтин бэрэссэдээтэлигэр Елизавета Петровна Антоноваҕа, Акана нэһилиэгин дьахталларын сэбиэтин бэрэссэдээтэлигэр, оҕолору иитиигэ ылбыт дьиэ кэргэн күн күбэй ийэтигэр Анна Прокопьевна Иннокентьеваҕа үөрүүлээх быһыыга-майгыга туттартаата. Маны сэргэ Альбина Ермолаева улуустааҕы «Норуоттар доҕордоһуулара» түмэл салайааччытыгар Анна Тумановаҕа улуус дьахталларыгар анаммыт «Бу сиргэ төрөппүт, бу күнү көрдөрбүт биһиэхэ ийэбит күн тэҥэ киһибит…» альбом-эстафетаны туттарда.
Салгыы нэһилиэк дьахталларын сэбиэтин бэрэссэдээтэллэрэ Марина Фрументьевна Герасимова (Дьиикимдэ), Мотрена Прокопьевна Евсеева (Сүлэ), Лена Егоровна Иванова (Түмүк) уопсастыбаннай үлэлэриттэн уопут атастастылар. Хаҥалас нэһилиэгин дьахтар сэбиэтин бэрэссэдээтэлэ Елизавета Петровна Васильева уонна Александра Петровна Васильева «Бэйэ туойа» устуудьуйа үлэтин сиһилии билиһиннэрдилэр, туойтан оҥоһуктары илдьэ кэлэн көрдөрдүлэр, киирбит боппуруостарга эппиэттээтилэр. «Көмүскэл» түмсүү салайааччыта Галина Дмитриевна Ньурба дьоно-сэргэтэ дойдуларын чиэһин көмүскүү сылдьар анал эппэрээсийэҕэ барбыттарга бүттүүн турунан көмөлөһүөҕүҥ! — диэн ыҥырда.
Түмүккэ улуус баһылыгын социальнай боппуруостарга солбуйааччы Наталья Семеновна Петрова РФ Бэрэсидьиэнэ Владимир Путин кэлэр 2024 сылы Дьиэ кэргэн сылынан биллэрбитин, улууска маассабай спорт сайдарыгар «Доруобай уопсастыба, доруобай дьиэ кэргэн» лозунунан үлэ барыахтааҕын туһунан эттэ. Ийэлэр олоҕу хамсатар күүс буолаллар. Анал эппэрээссийэ саҕаланыаҕыттан ийэлэр, эбээлэр туора турбакка Ийэ дойдуларын көмүскээччилэргэ күүс-көмө буолан кэллилэр. Ийэ дойдуларын көмүскээччилэргэ анаан: — Этэҥҥэ буолууну, буулдьа да туох да хоппотун курдук, бэйэлэрэ санаалара, куттара бөҕөргүүрүгэр өйөбүл буолуоҕуҥ,- диэн ыҥырда. Ан