От ыйын 12-16 күннэригэр кэрэ айылҕалаах Амма сиригэр «Дьулуур» XIV адаптивнай спорка аналлаах күрэхтэһии ыытыллар.
Спартакиада Ил Дархан Айсен Николаев дьаһалынан, адаптивнай спорду, доруобуйаларыгар хааччахтаах дьоҥҥо чэбдигирдэр үлэни сайыннарар, чөл, чэгиэн олоҕу киэҥник тарҕатар соруктаах ыытыллар.
Барыта 890 спортсмен, 95 тренер, 200 тахса ыалдьыт саха сирин 24 улууһуттан кэлэрэ күүтүллэр.
Бүгүн Комсомольскай болуоссакка үөрүүлээх быһыыга-майгыга спортсменнарбытын улуус баһылыга Алексей Иннокентьев, улуус баһылыгын солбуйааччыта Наталья Петрова, норуодунай депутат Владимир Прокопьев, СӨ Ил Дарханын сүбэһитэ Георгий Балакшин, спорт управлениетын салайааччыта Роберт Алексеев кыайыыны-хотууну баҕаран туран атаардылар.
Спортсменнар барыта 10 көрүҥҥэ күөн көрсүөхтэрэ.
Лена Петрова