Ньурба оройуонун Киирэп нэһилиэгин олохтооҕо Денис Иванов 2022 сыллаахха улуустааҕы социальнай харалтаны кытары социальнай хантыраак түһэрсэн, бэйэ дьыалатын тэринэн, «Бүргэс» атах таҥаһын тигэр кыра сыах арынан үлэтин саҕалаабыта. Быйыл үлэлээбитэ иккис сылыгар барда, диэн «Ньурба» хаһыат суруйар.
Денис Иванов итальянскай технологиянан атах таҥаһын тигэрин туһунан соторутааҕыта социальнай ситимҥэ тарҕаммыта.
— Денис Аркадьевич, үлэҥ-хамнаһыҥ туһунан ааҕааччыларга билиһиннэр эрэ.
— Сакаасчыт мэлдьи баар буолар, клиеннэр сакаастарыттан астыналлар. Онтон ордук үлэһит киһиэхэ туох наада буолуой. Үлэ элбэҕинэн бириэмэ тиийбэт. Матырыйаал сыаната күн-түүн үрдүү турарыттан киһи хараастар.
— Итальянскай технологиянан тигиигэ ханна үөрэммиккиний?
— Бэйэ дьыалатынан дьарыктанааччылары Ньурба улууһун дьаһалтата өйөөн, ааспыт сайын Москубаҕа үөрэттэрэ ыыппыта. А.Н.Косыгин аатынан университекка дизайн технологиятыгар үөрэммитим.
Бу сыл олунньу ыйыгар улуус дьаһалтата иистэнэр массыына ылынарбар өйөбүл оҥордо.
— Клиеннэр ордук хайдах атах таҥаһын сакаастыылларый?
— Билигин кыһын буолан, ордук унтуулары улларабын. Түгэнинэн туһанан, улуус дьаһалтатыгар урбаан, эргиэн уонна олохтоох оҥорон таһаарыы департаменыгар махталбын тиэрдэбин.
___________
Санатан эттэххэ, социальнай хантыраак — судаарыстыбаттан көрүллэр өйөбүл бырагыраамата — дойдубут аҕа баһылыга Владимир Путин көҕүлээбит «Демография» национальнай бырайыак чэрчитинэн үлэлиир.
Антонина Семенова