Ахсынньы 11-13 күннэригэр РФ ыччат министиэристибэтэ РФ олохтоох бэйэни салайыныы (субъектарынан) «Лидеры региона -2023» анал бырйыагынан тэрийбит тэрээһинигэр Саха сирин ыччаттарын регионнар лидердэрин талан, Владивостокка гражданскай-патриотическай уонна уопсастыбаннай ыччат туризмын сайыннарыыга «Больше, чем путешествие» тэрээһиҥҥэ Ньурба ыччата кытынна.
Улуустааҕы ыччат дьыалатын имидж управлениетын салайааччыта Валерия Гаврильевна Владимирова уонна Чаппанда эдэр ыччатын исписэлииһэ Михаил Данилов кыттыыны ыллылар.
Валерия Владимирова тэрээһин туһунан кылгастык билиһиннэрдэ:
— «Лидеры региона» ыытыллыбыт тэрээһиҥҥэ кыттыыбыт биһиэхэ чиэс, бочуот буолар. Биһигини кытары кылабынай исписэлиис Елена Валентиновна Романова талыллан барсыахтаах этэ да, кыайан барсыбата.
Бырайыаспытын, гостиницаҕа түһүүбүтүн РФ министиэристибэтэ бэйэтэ уйунна. Владивосток регионун билиһиннэрэр сыалтан экскурсияҕа сырытыннардылар.
Эдэр ыччат туох дьарыктааҕын билистибит, көрдүбүт, уопут атастаһан кэллибит.
Антонина Семенова