Олунньу 9 к., А.Н.Чусовской аатынан Ньурбатааҕы техническэй лицей базатыгар өрөспүүбүлүкэтээҕи «Патриот» байыаннай-спортивнай оонньуу саҕаланна. Тэрээһин техлицей 30 сыллаах үбүлүөйүгэр ананан ыытыллар. Маннык оонньуу Ньурбаҕа 2019 с. эмиэ ыытыллан турар.
Өрөспүүбүлүкэ улуустарыттан Арассыыйа уонна өрөспүүбүлүкэ таһымнаах күрэхтэһиилэргэ кыттыбыт ааттаах-суоллаах бастыҥ хамаандалар кэлэн күрэхтэһэллэр. Ол иһигэр Амма, Чурапчы, Горнай, Бүлүү, Үөһээ Бүлүү улуустарыттан байыаннай-патриотическай кулууптар, итиэннэ Ньурбатааҕы техлицей «Искра», Акана орто оскуолатын «Үрүҥ эһэ» байыаннай-патриотическай кулууптара бааллар.
Тэрээһин үөрүүлээх аһыллыытыгар улуус баһылыгын солбуйааччытын э.т. Ольга Афанасьева, улуустааҕы үөрэх управлениетын салайааччыта Федор Ушканов, Ньурбатааҕы техлицей дириэктэрэ Иван Тобонов, күрэхтэһии кылаабынай судьуйата, Дьокуускайдааҕы кадетскай куорпус ыстаарсай лейтенана Федор Соловьев уо.д.а. кытыннылар. Күрэхтэһии 2 күн устата ыытыллыаҕа, бастакы көрүҥүнэн ырыа уонна строй көрүүтэ буолла.
Геннадий Антонов