Атырдьах ыйын 28 күнүгэр Ньурбаҕа «НКО Якутии – вместе вперед” диэн уопсастыбаннай десант үлэлээтэ.
Билигин Ньурба улууһугар 31 кэммиэрчискэйэ суох тэриллии регистрациялаах. Кинилэр кыахтара үгүс. Араас таһымнаах граннарга кыттан бэйэлэрин бырайыактарын олоххо киллэриэхтэрин сөп.
Сарсыарда 9 ч саҕалаан элбэх хайысхалаах гимназияҕа үөрэтэр семинардар буоллулар.
Республикатааҕы психологическай киинтэн байыаннай сулууспалаахтар дьиэ кэргэттэригэр тус консультациялары ыыттылар.
Эбиэттэн киэһэ харысхал оҥоһуутугар, оҕунан ытыыга, сибэккиттэн букет оҥорооһуҥҥа, СӨ судаарыстыбаннай филармониятыттан маастар-кылаастар ыытылыннылар.
Тэрээһиҥҥэ кэммиэрчискэйэ суох тэриллиилэр, нэһилиэктэртэн исписэлиистэр, түөлбэ салайааччылара, культура үлэһиттэрэ, оскуола үөрэнээччилэрэ хото сырыттылар.
Тус консультация кэнниттэн оҕолор салгыы ылыммыт билиилэрин олоххо киллэрэн бырайыактарын чочуйа хааллылар.
Лена Петрова