🚰 «Ыраас уу» национальнай бырайыак чэрчитинэн Ньурба куорат Вертолетка микро-оройуонугар быйыл тутуллан үлэҕэ киириэхтээх, сууккаҕа 1200 кубометр ууну хостоон таһааран ыраастыыр ыстаансыйа тутуутун боппуруостарыгар улуус баһылыга Алексей Михайлович Иннокентьевка сүбэ мунньах буолла.
Баһылык солбуйааччыта Василий Николаевич Семенов, «ОДьКХ» ГУП Ньурбатааҕы филиалын кылаабынай инженерэ Антон Васильевич Костин уонна ОДьКХ бөдөҥ тутууларын уонна уу ситимнэрин оборудованиеларын көрөр-истэр инженер Василий Руфович Кириллин кытыннылар.
🏗 Аҕыйах күнүнэн «Кэскил» оҕо уһуйаанын кэннинэн эбийиэк бастакы сыбаайата түһэриллиэ. Үлэ бэдэрээтчитинэн «Сибтрансстрой» ХЭТ буолар. Бу күннэргэ матырыйаалларын таһа сылдьаллар.
«Ньурба» хаһыат