Бүгүн Ньурбачаан нэһилиэгин саҥа баһылыга Артем Атаманович Герасимов дуоһунаһыгар киирэр үөрүүлээх тэрээһинэ буолла.
Ньурба куорат уонна нэһилиэктэр баһылыктара кыттыыны ыллылар. Бу туһунан улуус баһылыга Алексей Иннокентьев бэйэтин Телеграм-каналыгар суруйда.
Артем Атамановичка төрөөбүт нэһилиэгин, улууһун туһугар эппиэттээх үлэтигэр ситиһиилэри, дьолу-соргуну баҕардылар. Улуус өттүттэн нэһилиэк кыһалҕаларын быһаарарга көмө-өйөбүл мэлдьи баар буолуоҕа диэн баһылык эрэннэрдэ.
«Ньурба» хаһыат