Ньурбатааҕы көрбөттөр уопсастыбаларын бэрэссэдээтэлэ Светлана Семеновна Яковлева ааҕааччыларга сонунун үллэһиннэ.
— Сэтинньи 27-28 күннэригэр, Дьокуускай куоракка кыһыҥҥы күрэхтэһиигэ харахтарынан мөлтөхтүк көрөр дьоҥҥо остуол оонньууларыгар күрэхтэһии буолан ааста.
27-с чыыһылаҕа дуобакка күрэхтэһиигэ 17 оонньооччуттан Ньурбаттан Антонина Ксенофонтова кыттан, IV-с миэстэни ылары ситистэ. Маннык хабааннаах улахан күрэхтэһиигэ Антонина Васильевна бастакы кыттааһына буолар.
Сэтинньи 28 күнүгэр «Катомино», «Квест», «Галактика» остуол оонньууларын күрэхтэһиилэригэр элбэх оонньооччу кытынна. «Галактика» остуол оонньуутугар Антонина Ксенофонтова, «Квесткэ» — Валентина Афанасьева, «Катоминаҕа» — Дима Анисимов — IV-с миэстэлэри ыллылар.
Сэтинньи 30 күнүгэр харахтарынан мөлтөхтүк көрөр дьоҥҥо шоудаун (остуол тенниһэ) күрэххэ 16 оонньооччу кыттыбытыттан Михаил Егоров – III-с миэстэ ылла.
Антонина Семенова