СӨ орто анал үөрэхтээһин араас хайысхаларынан үлэлиир киин (ЦОПП) ааспыт сылга СӨ Ил Дарханын Гранын кыайан “СВОи” диэн бырайыагы олоххо киллэрэн үлэлэтэ сылдьар.
Манна байыаннай дьайыы кыттыылаахтарын оҕолоро орто анал үөрэххэ үөрэнэн идэ ылалларыгар араас хайысхалаах көмө, өйөбүл оҥоһуллар. Бу бырайыак чэрчитинэн саха сирин үрдүнэн барыта 198 9-10-11 кылаас оҕолоро эбии үөрэхтээһин тэрилтэлэригэр босхо үөрэнэн идэ ылар кыахтаннылар.
Ньурбатааҕы техникумҥа бу программаннан Хаҥалас, Убайаан, Ньурбатааҕы 2 №-дээх орто оскуолалартан 4 оҕо “Внедорожные мототранспортные средства категории А1” диэн оробуочай идэни туоһулуур сибидиэтилистибэ, маны таһынан буран, квадроцикл ыытарга дастабырыанньа ылбыттара.
Бу күннэргэ Дьокуускайга буолан ааспыт СӨ ЦОПП түмүктүүр тэрээһинигэр Ньурбатааҕы техникумҥа Махтал суругун туттардылар.
Ньурбатааҕы техникум пресс-сулууспата