Саха сиригэр тулаайах уонна төрөппүт көрүүтэ-истиитэ суох хаалбыт оҕо ахсаана 7%-нан аҕыйаабыт. Өскөтүн 2023 сыллаахха ахсааннара 3 718 эбит буоллаҕына, 2024 сыл түмүгүнэн 3 453 буолбут. Ити туһунан СӨ Үлэҕэ уонна социальнай сайдыыга миниистирин солбуйааччыта Елена Теплякова иһитиннэрдэ.
“Сыл аайы тулаайах уонна төрөппүт көрүүтэ суох хаалбыт оҕо аҕыйаан иһэр. Кинилэри бэйэлэрин дьиэ кэргэннэригэр эбэтэр иитэ ылар дьоҥҥо олохтуу сатыыбыт”, – диэн миниистир солбуйааччыта этэр.
2023 сылы кытта тэҥнээтэххэ, былырыын төрөппүт быраабын төттөрү сөргүппүт дьон ахсаана 37%-нан элбээбит. 2024 сыллахха оҕо дьиэлэриттэн 55 оҕо дьиэ кэргэнигэр төннүбүт.
Бэй.кэр.
Хаартыска: Depositphotos.com / belchonock