Сахалартан маҥнайгы СССР спордун маастара Семен Семенович Николаев аатынан өрөспүүбүлүкэтээҕи нуучча дуобатыгар күрэх ыытылынна

⚪️⚫️🏆 Нуучча дуобатыгар сахалартан маҥнайгы СССР спордун маастара Семен Семенович Николаев аатынан өрөспүүбүлүкэтээҕи нуучча дуобатыгар Б категориялаах турнир үрдүк таһымҥа ыытылынна

Ахсынньы 12 күнүгэр Күндээдэ нэһилиэгэр СССР спордун маастара Семен Семенович Николаев аатынан өрөспүүбүлүкэтээҕи нуучча дуобатыгар турнир кыайыылаахтарын наҕараадалааһын уонна анал бириистэри туттарыы буолла.

Бу курдук, барыта 142 кыттааччылаах, Амма, Кэбээйи, Үөһээ Бүлүү, Сунтаар, Миирнэй уо.д.а улуустартан кыттааччылардаах, гроссмейстердар, Аан дойду, Европа, Арассыыйа чөмпүйүөннэрэ кыттыылаах ыытылынна.

Бу курдук, күрэх үрдүк таһымҥа ыытылларыгар күүс-көмө буолбут Күндээдэ нэһилиэгин дьаһалтатыгар баһылык Яков Замятиҥҥа, Күндээдэ орто оскуолатын диртэктэригэр Татьяна Васильеваҕа махталбытын тириэрдэбит.

Улуустааҕы дуобат уонна саахымат федерациятын хаһыс да сылын салайан үлэлэтэр Эдуард Мярикянов дьонун түмэ тардан Ньурбабыт улууһугар үгүс элбэх тэрээһиннэргэ оҕолортон саҕалаан аҕам саастаахтарыгар диэри өрүү  күрэхтэргэ кытталлар.

Спорт сонуннара