Өссө биир үөрүүлээх түгэн биһиги улууспутугар буолла. Саҥа эмтиир корпус бастакы сыбаайатын түһэрдибит. Балыыһа комплекса Доруобуйа харыстабыла национальнай бырайыак чэрчитинэн тутуллар.
Балыыһа 3 этээстээх,уопсай иэнэ 3800 кв.м., хирургическай, травматология, первичнэй-сосудистай, бастакы суһал көмөнү оҥорор онтон да атын салаалар киириэхтэрэ. Маны таһынан реанимация, экспресс-лаборатория, эппэрээсийэ оҥорор хостор баар буолуохтара.
Тэрээһиҥҥэ СӨ доруобуйа харыстабылын миниистирин бастакы солбуйааччыта Дмитрий Сергин, Судаарыстыбаннай сулууспа сакаасчыта тэрилтэ дириэктэрин солбуйааччыта Пуд Федоров, СК Силим ХЭТ салайааччыта Александр Неустроев кыттыыны ыллылар. Саҥа эмтиир корпус Ньурбатааҕы киин балыыһа 125 сылын көрсө, 2025 сыл төрдүс кыбаарталыгар үлэҕэ киириэҕэ.
Бу туһунан улуус баһылыга Алексей Иннокентьев Телеграм-ханаалыгар суруйар