Бүгүн сарсыарда СӨ Бырабыыталыстыбатын Бэрэссэдээтэлин солбуйааччыта Михаил Никифоров МТ баһылыктарыгар тыа хаһаайыстыбатын боппуруостарыгар сүбэ мунньаҕы салайан ыытта. Биир дойдулаахтарбыт, СӨ тыатын хаһаайыстыбатын миниистирин солбуйааччыта Артем Александров, СӨ агромышленнай комплексын ресурснай хааччыйыы киинин дириэктэрэ Семен Плотников, СӨ Ил Дарханын сүбэһитэ Георгий Балакшин эмиэ кытыннылар. 2032 с. диэри СӨ Бырабыыталыстыбатын дьаһалынан бигэргэтиллибит Саха сирин арҕаа өттүгэр тыа хаһаайыстыбатын сайдыытын Кэнсиэпсийэтэ хайдах туолан иһиитин дьүүллэстибит. Семен Плотников уонна улуустааҕы тыа хаһаайыстыбатын департаменын салайааччыта Леонид Ушканов дакылааттара истилиннэ. Өрөспүүбүлүкэҕэ тыа сирин уо .д.а. кэккэ хайысхалары курируйдуур вице-премьер Михаил Викторовичка улуус тыатын хаһаайыстыбатын үлэтигэр-хамнаһыгар, сайдыытыгар сыһыаннаах туруорсууларбытын тиэртибит.
