Бүгүн сарсыарда Ил Түмэн дьокутаата, тыа сирин уонна аграрнай бэлиитикэ сис кэмитиэтин бэрэссэдээтэлэ Александр Атласов Дьокуускайдыан иннинэ, Сүлэҕэ «Сиибиктэ» бааһынай хаһаайыстыбаларыгар сырытта. Степан Васильевич уонна Любовь Васильевна Ивановтар улуус хаһаайыстыбаларыттан бастакынан газгольдер диэн гааһынан сылыттыыны бэркэ туһанан олороллор.
Былырыын 2 хотону маннык холбообуттара, бу көдьүүстээҕин билэн быйыл эбии гараһы, арыы сыаҕын уонна үлэһиттэрэ олорор уопсай дьиэлэрин холбообуттар.
Александр Павлович ону интэриэһиргээн, улууспут саамай улахан уонна саҥаттан саҥаны киллэрэр дьүккүөннээх бааһынай хаһаайыстыбатыгар тахсан, хаһаайыстыба үлэтин билистэ.
Геннадий АНТОНОВ