🥊 Дьокуускайга Станислав Семенович Потапов аатынан 2007-2008; 2009-2010; 2011-2012 с.т. уолаттарга боксаҕа аһаҕас турнир үрдүк таһымҥа маҥнайгытын ыытылынна.
СӨ физическэй култуура уонна спорт туйгуна, үрдүкү категориялаах тренер, Р.М.Дмитриев аатынан Олимпийскай эрэллэри бэлэмниир училище үрдүкү тренеринэн үлэлээбит, Ньурба улууһугар, өрөспүүбүлүкэҕэ бокса сайдыытыгар сүҥкэн кылаатын киллэрбит, «Эр санаа» орден кавалера, хорсун быһыыга-майгыга анал байыаннай дьайыыга кытта сылдьан биһиги кэккэбититтэн суох буолбут Станислав Семенович Потапов аатынан уолаттарга боксаҕа аһаҕас турнир ахсынньы 16-20 күннэригэр үлэлээбит үөрэҕин кыһатыгар ыытылынна.
Турнирга барыта 170 тан тахса боксер 21 хамаанда кыттыыны ылла.
Ньурба улууһуттан 15 спортсмен Аян Иванов, Михаил Хатылыков тренердэр салалталаах кыттыыны ыллылар. Оҕолор сүрдээх үчүгэй көрдөрүүлээхтик кыттан, бу күрэххэ 13 мэтээл ыллылар, ол курдук:
36кг (2011-2012 с.т.)
🥇миэстэ — Андреев Дамир (НМГ 1)
🥉миэстэ — Семенов Павел (НМГ 1), 38 кг 🥇миэстэ -Апросимов Максим (УСОШ)
🥉миэстэ — Гаврильев Роман (УСОШ).
42кг
🥈миэстэ — Григорьев Айтал (УСОШ), 46 кг 🥈-Прокопьев Дарсен (АСОШ)
48 кг
🥈миэстэ — Турдукожоев Нуржигит (УСОШ),
52 кг
🥈миэстэ — Ломпоров Корнил (НСОШ 2)
36 кг (2009-2010 с.т.)
🥇миэстэ — Андреев Саян (АСОШ)
38 кг
🥈миэстэ — Саввинов Айыллаан (НМГ 1)
57 кг
🥉миэстэ — Ломпоров Ефрем (НСОШ 2)
51 кг (2007-2008 с.т.)
🥉миэстэ — Федоров Лев (НТЛ)
60 кг
🥉миэстэ — Иванов Давид (АСОШ).
Үөрэх кыһатыгар үөрэнэ сылдьар студеннарбыт икки уол чемпион үрдүк аатын ыллылар:
60 кг 2007-2008 с.т.
🥇 миэстэ — Иванов Александр(УОР/Антоновка)
63,5 кг
🥇миэстэ — Львов Герман (УОР/Антоновка)
Турнирга үгүс элбэх анал аат номинациялар, бириистэр Станислав Потапов чугас дьоно-сэргэтэ, биир дойдулаахтара бириис туруордулар
Ньурба улууһун баһылыга Алексей Иннокентьев аатыттан анал бириис телевизор — Апросимов Максимҥа, Потаповтар дьиэ кэргэттэрэ туруорбут 20 000 солк бириис уонна Кубок — Андреев Дамирга, Турнир «Бастыҥ боксера» анал ааты ылан Андреев Дамир биир дойдулаахпыт Александр Егорович туруорбут телевизорынан наҕараадаланна.
Улуустааҕы физическэй култуура уонна спорт управление Роберт Алексеев аатыттан анал бириис телевизоры — Андреев Тускун, Октябрьскай нэһилиэк баһылыга Семен Корякин анал бирииһэ телевизор — Иванов Александрга, Станислав Семенович Убайаан орто оскуолатыгар бииргэ үөрэммит доҕотторо туруорбут анал бириис 10 000 солк сертификаттарынан бэлиэтэннилэр.
Гаврильев Роман уонна Арассыыйа спордун маастара Игорь Егоров аатыттан 10 000 солк сэртипикээт Турдукожоев Нуржигитка туттарылынна
Станислав Семенович иитиллээччилэрэ туруорбут анал бириис 10 000 солк сэртипикээтинэн Прокопьев Дарсен, Адреев Саян, Семенов Павел хас биирдиилэрэ наҕаарадаланнылар.Ньурбатааҕы оҕо спортивнай оскуола анал бирииһин Пинигин Эрик ылла.
Бу курдук, биһиги Ньурбалар киэн туттар биир дойдулаахпыт Станислав Потапов аатынан турнир өрөсүүбүлүкэ үгүс боксердарын түмэ тардан, кэнчээри ыччаттарбыт биир кынат анньынан үүнэн тахсар турнирдара буолуо диэн эрэллээхпит.
Хорсун буойун албан аата, боксаҕа ситиһиилэрэ өрүү холобур буолан, бу сылы түмүктүүр бокса көрүҥэр оҕолорго умнуллубат түгэннэри, үгүс болҕомтону ууруллан ыытылынна.
Спорт управление пресс-киинэ