Атырдьах ыйын 15 күнүгэр Анал байыаннай эпэрээссийэ кыттыылаахтара, мобилизованнай байыаннай сулууспалаах А.Пантелеймону, К.Айаалы, С.Владиславы, А.Константины уонна Т.Айаалы уоппускаҕа дойдуларыгар кэлбиттэрин улус баһылыга көрүстэ. Уолаттарга кэнники олохтоммут үгэс быһыытынан саха быһахтарын бэлэхтээтэ.
Уолаттар санаалара бөҕөх, кыайыыга эрэллээхтэр, хааччыллыы үчүгэй дииллэр. СВО кыттыылаахтарын дьиэ кэргэттэрэ дьиэлэрин өрөмүөнүгэр сайаапкаларын биэрбиттэр. Муниципальнай тэриллиилэр баһылыктара Анал байыаннай эпэрээссийэҕэ кытта сылдьар биир дойдулаахтарын дьиэ кэргэттэригэр күннээҕи кыһалҕаларыгар мэлдьи көмөлөһө олороллоругар эрдэ сорудахтар тиэрдиллэн тураллар. Кинилэргэ окко, маска, мууска туох кыалларынан көмө оҥоһуллар, болҕомто өрүү баар буолуоҕа.