Муус устар 9-10 күннэригэр улуус тэриллиилээх хаһаайыстыбаларыгар биирдии ынахтан хонтуруолунай ыам ыытылынна. Ити туһунан улуустааҕы тыа хаһаайыстыбатын департаменын салайааччыта Леонид Ушканов иһитиннэрдэ.
СӨ Тыа хаһаайыстыбатын уонна аска-үөлгэ бэлиитикэтин министиэристибэтиттэн сүөһү иитиитин уонна племенной үлэҕэ отделын исписэлииһэ Александра, аһы-үөлү оҥорон таһаарар отделын исписэлииһэ Кюннэй Андреева, «Агрохолдинг-Туймаада» АО исписэлииһэ Тамара Яковлева кэлэн, «Күндээдэ», «Ньурба-Агро МТС» АО-ларга, улууска саамай бөдөҥ «Сиибиктэ» бааһынай хаһаайыстыбатыгар уонна Сүлэ нэһилиэгэр биир кэтэх хаһаайыстыбаҕа хонтуруолунай ыам ыыттылар. Ону тэҥэ хаһаайыстыбалар докумуоннарын бэрэбиэркэлээтилэр, сүбэ- ама биэрдилэр. Хонтуруолунай ыамы тыа хаһаайыстыбатын департаменын исписэлиистэрэ ыытыстылар.
Түмүккэ биирдии ынахтан ортотунан «Күндээдэ» АО — 9,5 кг, «Ньурба- Агро МТС» АО — 11,7 кг, «Сиибиктэ» б/х — 15,5 кг ыыры ситистилэр. Бу сылга былаан быһыытынан биирдии ыанар ынахтан хонтуруолунай ыам аны бэс ыйыгар уонна от ыйыгар ыытыллара былааннанар.
«Ньурба» хаһыат