Ньурба улууһунааҕы Олоҕу-дьаҺаҕы хааччыйар сулууспа өрөспүүбүлүкэ үрдүнэн ыытыллыбыт «Муниципальнай тэриллии бастыҥ биир кэлим дьуһуурунай-диспетчерскэй сулууспата» көрүү-куонкурус түмүгүнэн III истиэпэннээх дипломунан наҕараадаланна. Наҕарааданы Олоҕу-дьаҺаҕы хааччыйар сулууспа салайааччыта Афанасий Кириллин тиийэн тутта.
Бу улуустааҕы Олоҕу-дьаҺаҕы хааччыйар сулууспа сыл устата оперативнай быһыы-майгы туруктаах буоларыгар, ханнык баҕарар түгэҥҥэ суһал дьаһаллары ылан тахсыбыт саахалы туоратыыга, дьон олоҕун уонна доруобуйатын быыһыырга туһуламмыт үлэтин үрдүк сыанабыла буолар.
«Ньурба» хаһыат