Бэҕэһээ киэһэ Ил Түмэн дьокутааттара Владимир Прокопьев уонна Александр Атласов «Ньурбатааҕы сүөһү аһылыгын хампаанньата» тэрилтэ уотурба собуотугар сырыттылар. Собуот настройката саҥа сатанан үлэлээтэ. Үлэһиттэр уотурба оҥорон көрдөрдүлэр.
«Бу күннэргэ аҕыйах уотурбаны оҥорон таһаарыахтаахпыт, собуоппут хайдаҕа онно көстүөҕэ», — диэн Ньурбатааҕы сүөһү аһылыгын хампаанньатын дириэктэрэ Александр Илистяров иһитиннэрдэ.
Дьокутааттар Ньурбаҕа саҥа хамсааһын быһыытынан уотурба оҥоруута саҕаланан эрэриттэн астыннылар. Кинилэр собуот күүскэ үлэлээн наадалаах бородууксуйаны оҥороругар баҕа санааларын тиэртилэр. Салгыы собуот үлэтигэр туох эмэ кыһалҕа үөскүүр түгэнигэр кинилэргэ суругунан киллэрэллэригэр эттилэр.
Геннадий АНТОНОВ