Аҕам саастаахтар декадаларын чэрчитинэн алтынньы 7 күнүгэр «Айылгы» норуот айымньытын дьиэтигэр Интернет ситимигэр наадалаах иһитиннэриини буларга, электроннай почтанан, мессенджер, социальнай ситимнэр уонна онлайн харчы ыытарга кулууп уонна бибилэтиэкэ үлэһиттэрэ үөрэттилэр. Табыгастаах буоллун диэн аҕыйах киһилээх группанан дьарыктаннылар.
Бастатан туран нэһилиэк, кулууп Телеграмм уонна ВК каналыгар суруттардылар. Бу күнтэн ыла сонуннары билэр, көрөр кыахтаннылар. Ол кэннэ Телеграмм нөҥүө видеонан саҥаран оҕолоругар, билэр дьонноругар эҕэрдэ ыытан эрчилиннилэр. Госуслуга нөҥүө наадалаах справканы сакаастаатылар. Сорохтор хаартыскаҕа сурук суруйарга үөрэннилэр. ВК-ҕа хаартыска угары да сатаатылар.
Онон бары кэлбит дьон аныгы технологияны баһылаан үөрэн-көтөн тарҕастылар. Кэлэр өттүгэр итинник үөрэтии былаан быһыытынан салҕаныаҕа. Үөдэй аҕам саастаах дьоно аныгы үйэни кытта тэҥҥэ хардыылыыллар. Сааһырдыбыт диэн дьиэлэригэр бүгэн олорботтор. Саҥаны билэргэ бэлэмнэр, баҕалаахтар. Өссө кэлиэхпит диэн тарҕастылар.
Мария Николаева, Үөдэй нэһилиэгин баһылыга