«Түмүк баар!» Норуот бырагырааматын зональнай пуорумун көхтөөх кыттыылааҕынан Үөдэй нэһилиэгэ буолла. «Биир ньыгыл Арассыыйа» Үөдэйдээҕи бастакы сүһүөх тэрилтэтэ үлэтин көрдөрүүтүнэн рейтиҥҥэ өрөспүүбүлүкэҕэ — 2, Арассыыйаҕа 9-с миэстэлээх. Үөдэй баһылыга Мария Николаева пуорумҥа нэһилиэккэ ыытар үлэтинэн иһитиннэриитэ улахан сэҥээриини уонна сыанабылы ылла.
«Дойдуга ыытыллар бырайыактарга уонна улахан суолталаах бэлиитичэскэй түгэннэргэ көхтөөхтүк кыттан үлэлэһэн, Үөдэйдэр дьиҥ-чахчы «Түмүк баар!» диэн эрэллээхтик этэбит, — диир Мария Пудовна. – Мин 2001 сылтан «Биир ньыгыл Арассыыйа» Үөдэйдээҕи бастакы сүһүөх тэрилтэтин салайабын. Нэһилиэк дьонун, оҕолору барытын хабан, былааннаах үлэни ыытабыт.
Фотостудия, кулууппутугар музыкальнай үнүстүрүөннэри ылбыппыт. Аһаҕас халлаан аннынааҕы түмэлбитигэр «Уус дьиэтэ» тутуллубута. «Собо» пааркабытыгар истиэндэлэри оҥорорго 100-тэн тахса тыһ. солк. ылбыппыт. Саамай улахан түмүкпүт – биһиги сабыс-саҥа оскуола-уһуйааммыт дьиэтэ. Оскуолалар бэйэлэрэ «Саҥа оскуола» диэн бырайыактаахтар. Ол чэрчитинэн оҕолору уһанарга, уруһуйдуурга, иистэнэргэ, ас астыырга үөрэтэллэр.
Пуорумҥа бибилэтиэкэр Наталья Крылова бырайыагын – Үөдэй үлэһит тыа сирин дьахталларын 50-60-с сс. мэтириэттэрин мунньан, ПВХ-ҕа оҥорторон үйэтиппитин киллэрэн көрдөрдүбүт. «Историческай өйдөбүнньүк» бырайыакка күүскэ үлэлэһэбит. Оҕолору патриоттуу тыыҥҥа иитиигэ, ол эбэтэр дойдуларын таптыырга, Аҕа дойду Улуу сэриитин, СВО кыттыылаахтарын тустарынан билэргэ элбэх үчүгэй бырайыактаахпыт».
Геннадий АНТОНОВ