Ньурба оройуонугар 2026-2027 сыллар Спорт сылларынан биллэриллибитэ.
Онон сибээстээн Үөдэйдээҕи олохтоох «Биир ньыгыл» баартыйа чилиэннэрэ (салайааччы Мария Николаева) тохсунньу 22 күнүгэр мустан оҕолорго анаан хаҥкылыыр сири оҥорон саҕалаатылар.
Манна даҕатан эттэххэ, нэһилиэкпит баһылыга Мария Пудовна Николаева СӨ норуоттарын IX спортивнай оонньууларын Посолунан талыллыбыта. Онон Үөдэй нэһилиэгин дьоно-сэргэтэ, нэһилиэккэ төһө даҕаны спортивнай саала суоҕун иһин, араас кыаллар суоллары тобулан, оҕолор спордунан дьарыктаналларын көҕүлүүллэр.
Оскуола кэлэктиибэ уонна төрөппүттэр «Союзмультфильм» геройдарын ПВХ-ҕа уруһуйдаан бэлэмнии сылдьаллар. Эр дьоннор өрөбүлгэ уу кутан саҕалыахтара. Силигэ ситтэҕинэ катоктуур сири үөрүүлээх быһыыга-майгыга аһыахпыт.
Манан тохтоон хаалбакка, спорт хайысхатыгар сыһыаннаах араас тэрээһиннэри ыытарга сүбэлэстибит.
Наталия КРЫЛОВА, бибилэтиэкэр