Улууска СВО фондатыгар кыттыһар тэрилтэлэргэ, дьоҥҥо-сэргэҕэ махтал быһыытынан араас хабааннаах субуотунньуктар ыытылла тураллар.
Улуус дьаһалтатын үлэһиттэрэ, улуус депутаттарын Советын аппарата МТС-Агроҕа сарсыардааҥҥы, киэһээҥҥи ыамнарыгар солбуйан көмөлөспүттэрэ.
Бэҕэһээ олохтоох дьаһалта эдэр үлэһиттэрэ урбаанньыт дьиэ кэргэн Титовтарга дьиэ ханаппаахытыгар көмөлөстүлэр. Бизнес эйгэтигэр ситиһиилээх дьоммут СВО фондатыгар улахан болҕомто уураллар. Ону таһынан нэһилиэк ППМИ бырайыактарыгар спонсор быһыытынан ботуччу көмөлөрө сыллата баар.
Дойдуга туһалаах буолуу санаа бастатан туран сиэннэригэр холобур — бэйэлэрэ санааларыттан мотоцикл, харчы СВО сиригэр ыыппыттара.
Титовтар минньигэстик эбиэттэтэн, түмүккэ кыргыттары илии тутуурдаан махтанан ыыттылар, биир улахан хос бүттэ диэн үөрдүлэр. Онон махтал көмө бэйэтэ утары махталлаах, кэһиилээх буолла.
Манна даҕатан эттэххэ, Антоновкаҕа саҥа ыччат лидера Вероника Иванова үлэтин саҕалаата. Бэҕэһээ ыччаттардыын билсии, бастакы көрсүһүү ааста.
Октябрьскай нэһилиэк пресс-киинэ
СВО