Ыам ыйын 24 күнүгэр Акана нэһилиэгэр «Тиһэх чуораан» чугдаарда.
Быйыл П.С. Егоров аатынан Акана орто оскуолатын 10 үөрэнээччи бүтэрээри биир кэлим эксээмэни туттара сылдьаллар, кылаас салайааччыта Аргунова Степанида Григорьевна.
Бу күн култуура киинин уораҕайа оҕолору киэҥ олох суолугар атаарар тэрээһиҥҥэ бэлэмнэнэн симэнэн, киэргэнэн ыалдьыттары, үөрэнээччилэри, учууталлары көрүстэ. Оҕолор бары оскуолаҕа кэтэр сахалыы тииптээх таҥастарын кэтэн мустубут дьон харахтарын саататтылар, үөртүлэр-көтүтүттүлэр. Бары ситиһиилээх оҕолорго добун суруктар туттарылыннылар, элбэх алгыс тыллара этилиннилэр.
Иккис сылын ыытыллар оһуордаах оһуокай дуорайа көттө. Людмила Жиркова уһун тыына, кэрэ намыын кылыһаҕа сахабын дэнэр бар дьоммутун долгутта, үөртэ. Сайына Горохова күүстээх кылыһахтаах куолаһа уораҕайбыт куполыттан кылыйа көттө, оскуоланы бүтэрээччи Женя Николаева номоҕон куолаһа, хомоҕой тыла-өһө оһуохайбыт сүппэт кэскилээх эбит диэн итэҕэттэ.
М.Н.Петрова-Тойуктаах Марыына аатынан култуура уонна успуорт киинин уус-уран салайааччыта Евдокия Саввинова