Алтынньы ыйын 29 күнүгэр, «Кыталык» КД «Хомсомуолбун ахта-саныы, кэллим кэпсэтэ-мунньахтыы» диэн «Ис сүрэхтэн» ахтыы биэчэр буолан ааста.
Тэрээһини оскуола оҕолоро пионерия саҕанааҕы маршынан саҕалаабыттарын, ыраахтан — чугастан ыҥырыллан кэлбит ыалдьыттар пионердары ытыс тыаһынан көрүстүлэр. Октябрьскай нэһилиэк актыбыыстара доргуччу хоһоон аахтылар, ырыа бэлэх ууннулар. Уруккуну, хомсомуол саҕанааҕы олохторуттан кылгастык быһа тардан кэпсээтилэр Ньурбаттан Бушкова Розалия Софроновна, Таюрскай Меркурий Юрьевич, Чаппандаттан Сидорова Татьяна Дмитриевна, Октябрьскай нэһилиэктэн Пахомова Анна Егоровна уонна Захарова Прасковья Михайловна.
Бырааһынньыктааҕы тэрээһиҥҥэ эҕэрдэ тыллары эттилэр «Ньурба куорат» МТ баһылыгын социальнай боппуруостарга солбуйааччы И.Ф. Семенова, Ньурба оройуонун бэтэрээннэрин Сүбэтин салайааччыта Т.П.Олесова, Ньурба оройуонун партиялаахтар общественнай түмсүү салайааччыта В.С.Сергин.
СӨ култууратын Т.И.Шестаков салайааччылаах куорат бэтэрээннэрин «Айылҕан» ырыа ансаамбыла бүгүн хас да ырыаны толорон көрөөччү биһирэбилин ылла. Ону таһынан «Комсомолга ылыы» сценка ол саҕанааҕы кэми санатан ылла. Бүгүҥҥү тэрээһиҥҥэ эдэр ыччат кэлэн кыттыыны ылбытын бэлиэтиэх тустаахпыт, ол курдук Ньурба оройуонун ыччат политикатын уонна спортка управлениетын иһинэн сылдьар «Движение первых» уопсастыбаннай хамсааһын эдэр ыччата кэлэн, аҕам саастаах хомсомуолларга викторина ыыттылар, флешмоб үҥкүүлээн көрдөрдүлэр.
Аҕыйах сыллааҕыта интернет ситимин толорбут кып-кырачаан баянынан ыллыыр уол оҕото Артем Васильев бүгүн Аканаттан кэлэн «Эн комсомол» ырыаны толорон, биэчэри киэргэттэ.
Тэрээһин «Аан Дойду ыччатын сүрэҕэ» күргүөмүнэн ырыанан, уопсай хаартысканан түһүүнэн уонна баянынан үҥкүүнэн түмүктэннэ.
✍ ДК «Кыталык»