??????Бэс ыйын 27 күнүгэр улуус дьаһалтатыгар быйылгы кыстыкка бэлэмнэниигэ туох кыһалҕалар, инники өттүгэр туох сыал-сорук турарын туһунан мустан кэпсэттилэр. Мунньахха нэһилиэк баһылыктара, исписэлиистэрэ кыттыыны ыллылар. Мунньаҕы улуус баһылыгын I солбуйааччыта Василий Семенов салайан ыытта.
2024 сылга Ньурба оройуонугар тыа хаһаайыстыбатын бородууксуйатын уонна т/х аһын-үөлүн батарыыга былаана:
КРС 2023 сылга — 12 295 эбит буоллаҕына, быйылгы былаан — 12 000, мантан ынаҕын ахсаана былырыын — 4862, быйыл — 4700. Сылгы ахсаана — 10 480, быйыл — 10 560, сибиинньэ — 67, быйыл — 76, көтөр ахсаана — 49 399.
Бородууксуйаны оҥорууга тыыннаах ыйааһынынан эт ааспыт сылга — 1 795, быйылгы былаан — 1 799,7 тонна
Үүт ыама — 11 739,08, быйыл — 1 799,7. Куурусса сымыыта -10 174, 43, быйыл — 11 608,9 тыһ.устуука.
Биир ынахтан үүтү ылыы ортотунан — 2414, быйылгы былаан -2 502,8 .
Төрдүгэр астаах оҕуруот аһын үүннэриигэ — 1625, быйыл — 525, хортуоппуй — 2356, быйылгы былаан — 2949. От — 30 240 тн, быйыл — 28 114 тонна. Сиилэс — 1400, быйыл 1400. Сенаж — 600, быйыл — эмиэ 600. Быйыл окко былаан былырыыҥҥытааҕар 2126 тн аччаабыт, ол аата улууска сүөһү ахсаана сылтан сыл аччаан иһэрин көрдөрөр.
Үүтү соҕотуопкалааһыҥҥа былаан ааспыт сылга — 3 748, быйылгы былаан — 3216, 5.
Быйыл сайын от уонна атырдьах ыйдара кураан буолара сабаҕаланара эрдэттэн биллэриллибитэ. Ол да быһыытынан үлэ барар. Нэһилиэктэр окко киириигэ, ылыныллыбыт былааны толорууга бэлэмнэрин туһунан эттилэр.
Сааскы халаан уутуттан Акана, Хаҥалас өттүгэр ходуһаларыгар уу киирэн, Сата шлюз-регуляторыгар харыы тахса сылдьыбытын туһунан эттилэр. Түмүк нэһилиэгэр уу түспэккэ муостаны туорааһыҥҥа кыһалҕалар баалларын нэһилиэк баһылыга тоһоҕолоото.Халаан уутуттан Акана, Хаҥалас өттүгэр ходуһаларыгар уу киирэн, «Сата» систематыгар Үөдэй, «Төрүт» систематыгар Акана нэһилиэгэр буор хаһыллан ханааллар ыраастаныахтаахтарын туһунан Мелиорация управлениетын Ньурбатааҕы филиалын салайааччыта Алексей Борисович Васильев иһитиннэрии оҥордо. Алексей Борисович киирбит ыйытыктарга тутатына эппиэти биэрдэ.
Биир сүрүн боппуруоһунан тэриллиилээх хаһаайыстыбалар федеральнай уонна өрөспүүбүлүкэ өттүттэн субсидиянан туһаммакка олороллорун туһунан, окко киириэх иннинэ саппаас чаас, уматык атыылаһарга кэлэрэ буоллар диэн баҕа санааларын эттилэр.
Түмүккэ быйыл Илин эҥэр улуустарыгар курааннаан от үүнүүтэ мөлтөҕүнэн, Бүлүү бөлөх улуустара кыстык отунан көмөлөһөллөрүгэр үөһэттэн сорудах кэлбитин туһунан т/х департаменын салайааччыта Леонид Ушканов эттэ.
Онон бары күүһү от үлэтигэр уурарга диэн мунньах кыттыылаахтара тарҕастылар.Сир быйаҥнаах, киһи сатабыллаах диэн мээнэҕэ эппэттэр.
Антонина Семенова