Мэҥэдьэк нэһилиэгин чулуу киһитэ В.В. Степанов-Хомпуоһап төрөөбүтэ 100 сылыгар аналлаах Кыталыктаах кырдалын Добун түһүлгэтигэр, тохтор тойук күрэҕэр 19 тойуксут күөн көрүстэ.
Кылыгыратар кылыһахтаах, тохтор тойуктаах, уус-уран хоһуйуулаах бастыҥ тойуксуттарбыт түһүлгэни киэргэттилэр.
Күрэх түмүгүн кытары билиһиннэрэбит:
Кылаан чыпчаал кыайыылаах үрдүк аатын Күндээдэ нэһилиэгиттэн Семенова Элеонора. В.В. Степанов-Хомпуоһап сиэнэ Ньургун Вячеславович Афанасьев туруорбут 10 тыһ. солк. уонна Уус Арыйаан хомуһунан бириэмийэлэннэ.
1 үрдэл — Чаппанда нэһилиэгиттэн Додохова Мария буолла уонна «Байар» СХПСПК туруорбут 10 киилэ арыынан наҕараадаланна.
2 үрдэл — Акана нэһилиэгиттэн Жиркова Людмила буолла уонна ньирэй бирииһи тутта.
3 үрдэл — Күндээдэттэн Антонова Айаана электромясорубканан бэлиэтэннэ.
Ону тэҥэ саха быһаҕа Анал бирииһи Платонов Валерийга туттардылар.
Ньурба оройуонун култуураҕа уонна ыччат бэлиитикэтигэр департамена