Алтынньы 14 күнүгэр Күндээдэбит тас көстүүтүн тупсарыы, ыраастаныы чэрчитинэн уопсай субуотунньук биллэриллэн федеральнай суол кытыытыгар хаппыт мастары эрбэтэн ыраастаныы үлэтэ ыытылынна.
Биир бырыһыап хаппыт мас оттукка бэлэмнэнэн аҕам саастаах Борисов Петр Осиповичка киллэрилиннэ.
Субуотунньукка тэрилтэлэр: «Туску» НАДь, С.Г.Хардарысов аатынан орто оскуола, «Кэнчээри» уһуйаан, МПЧ-9, олохтоох даһалта, түмэл эр дьоно таҕыстылар.
Кэлэн иһэр СӨ норуоттарын IX-с Спортивнай оонньууларын көрсө нэһилиэкпит тупсаҕай көстүүлэнэргэр өссө да субуотунньуктар ыытыллыахтара.
Олохтоох дьаһалта