Ньурба куорат «Кэскил» оҕо уһуйаана «Арассыыйа оскуола иннинээҕи үөрэхтээһин 100 тэрилтэтэ-2024» Бүтүн Арассыыйатааҕы куонкурус лауреата буолла уонна «Үөрэхтээһин үрдүк хаачыстыбатын иһин» дипломунан наҕарадаланна. «Арассыыйа оскуола иннинээҕи үөрэхтээһин 100 тэрилтэтэ» Бүтүн Арассыыйатааҕы куонкурус логотибын туһанарга сертификаты уонна өйдөбүнньүк сувениры бэлэх тутта. Оттон «Кэскил» оҕо уһуйаанын сэбиэдиссэйэ Анна Николаевна Иванова «Арассыыйа ситиһиилээх салайааччыта» номинация кыайыылааҕа буолла.
Эрдэ «Кэскил» оҕо уһуйаана эмиэ маннык куонкурус лауреата буола сылдьыбыта, быйыл ол ситиһиилэрин өссө төгүл бигэргэттилэр. Итинэн улууска саамай кырдьаҕас, уһун-баай историялаах оҕо саадын кэлэктиибэ быйыл оҕо саада тэриллибитэ 95 сылын туолар үбүлүөйүн көрсө, итиэннэ Саха сиригэр Оҕо-аймах сылыгар бэйэтигэр дьоһун бэлэх оҥоһунна. Түмсүүлээх уонна айымньылаах үлэлээх кэлэктииби үрдүк ситиһиитинэн истиҥник эҕэрдэлиибит!
Улуус дьаһалтатын пресс-сулууспата