Сааскы күннэр саҕаламмыттара биллэн, кулун тутар 19 күнүгэр маанылаах Малдьаҕар нэһилиэгэр сарайтан таммахтар таммалаатылар, ардах кытары түһэн ылла, халыҥ хаар чарааһаабыт курдук буолла.
Бу үтүө күн сарсыардаттан Ньурба оройуонун нэһилиэнньэтин социальнай харалтаҕа уонна үлэҕэ управлениетын тэрийээһининэн, Ефремова А.В. салайааччылаах «Социальнай десант» нэһилиэнньэни кытта эбиэккэ диэри үлэлээтэ уонна чулуу дьоннордоох Чуукаар нэһилиэгэр үлэлии айаннаата.
МФЦ докумуону тутар тэрилтэттэн Оконешникова Н.Е., Үлэлээх буолуу кииниттэн (ЦЗН) Тихонова Н.А., Налоговайтан Елисеева Л.А. , Социальнай көмөнү оҥорор комплекснай киинтэн Филиппова М.А., «Защитники Отечества” Ньурбатааҕы фондатыттан Алексеева В.В. уонна Социальнай харалта управлениетыттан Ефремова А.В. тахсан нэһилиэнньэ дьонун приемнаатылар — тус консультациялары, көмөнү оҥордулар, докумуон туттулар, Госуслуга арыйдылар, тустаах дьон билбэт боппуруостарыгар эппиэттээтилэр, үлэтэ суохтар үлэ-хамнас, учуот туһунан ыйыталастылар, СВО дьиэ кэргэттэрин кытары көрүстүлэр, ТЖС-ка турар ыалларга сырыттылар.
Социальнай харалта сүрүн үлэһитэ Айталина Васильевна социальнай үлэһит Афанасьева Н.М. кытта тыыл бэтэрээннэрин дьиэлэригэр сырыттылар, кырдьаҕастар кыһалҕаларын билистилэр. Маннык социальнай десаннар улуус кииниттэн ыраах олорор дьоҥҥо олус наадалаахтар. Бу күн уопсайа 56 өҥө оҥоһуллан, тыа дьоно тустаах кыһалҕаларын быһаартаран, араас докумуон оҥорторон, барҕа махталларын эттилэр, нэһилиэнньэ дьонугар туһалаах десаннары өссө да ыыта тураллара буоллар дэстилэр. Сорохтор пенсионнай тэрилтэ үлэһиттэригэр наадыйбыттар эбит.
Билиҥҥи кэмҥэ кыаммат дьон, кыһалҕалаах киһи Ньурбаҕа киирэн тэрилтэлэринэн сүүрэрэ, докумуон туттарара олус уустуктардаах. Маны учуоттаан Социальнай харалта управлениета (салайааччы Находкина И.А.) олус туһалаах үлэни тэрийбитэ улахан хайҕаллаах дьыала диэн Ирина Афанасьевнаҕа олохтоохтор махталларын тиэртилэр.
Надежда Афанасьева, Малдьаҕар