Быйыл бүтүн дойду үрдүнэн барытыгар курдук, Билии күнэ өрөбүлгэ сөп түбэһэринэн сибээстээн, саҥа үөрэх дьыла балаҕан ыйын 2 күнүттэн саҕаланыаҕа. Улууспутугар 25 уопсай үөрэхтээһин тэрилтэтэ уонна 3 эбии үөрэх тэрилтэтэ үлэлиир. Саҥа үөрэх дьылыгар оҕо ахсаана биир тэҥ кэриэтэ турар, ол курдук барыта 4240 оҕо үөрэниэҕэ. Оҥой-соҥой көрөн, оскуола боруогун аан маҥнай 356 оҕо атыллыаҕа. Быйыл федеральнай үп суотугар К.Д.Уткин аатынан Марха орто оскуолата хапытаалынайдык өрөмүөннэнэн, үөрэнээччилэри саҥардыллан оҥоһуллан, лаппа тупсан көрсүөҕэ.
Улууска 7 саҥа эдэр учуутал үлэлии кэллэ. Билигин даҕаны үөрэх тэрилтэлэригэр 30 вакансия аһаҕас турар.
Геннадий АНТОНОВ