Бүгүн, олунньу 1 күнүгэр, Үөдэй нэһилиэгэр Дьокуускай куораттан Өрөспүүбүлүкэтээҕи мобильнай киин биригээдэтэ кэлэн үлэлээтэ.
Быраастар анал көһө сылдьар биригээдэлэрэ ыарыыны эрдэттэн сэрэтэр, дьоҥҥо сүбэлиир сыаллаах кэлэн көрдүлэр. Үөдэйгэ барыта 49 киһи хабылынна, онтон 7-тэ оҕо.
Терапевт, кардиолог, невролог, эндокринолог, офтальмолог, УЗИ, травматолог, гинеколог курдук нэһилиэнньэ олус наадыйар исписэлиистэрэ нэһилиэнньэни кыһаллан көрдүлэр-иһиттилэр.
Хас биирдии киһи сүбэлэри ылан, эмтэри анатан маҥан халааттаах аанньалларга махталларын тиэртилэр.
ФАП үлэһитэ Нюргустана Соловьева быраастар үлэлиир усулуобуйаларын, олохтоохтор биир сиргэ кэлэн көрдөрөллөрүн тэрийбит оскуола-сад дириэктэригэр Любовь Гаврильевнаҕа махтанар.
Мария Николаева, нэһилиэк баһылыга