???? Бүгүн, муус устар 30 күнэ – баһаарынай сулууспа күнэ. Ньурба улууһугар баһаарынай дружина тэриллибитэ быйыл 67-с сыла. Урут үлэһиттэр үгүстэрэ үөрэҕэ суох эбит буоллахтарына, билигин анал үөрэҕи бүтэрбит байыастар күннэтэ ууну-уоту ортотунан үлэлиилэр.
? Ньурба баһаарынай чааһа үчүгэй бэлэмнээх каадырдардаах, аныгы олох ирдэбиллэригэр эппиэттиир баһаары умулларар техникалардаах, профилактическай үлэлэри кэмигэр сөпкө тиэрдэр үрдүк таһымнаах идэтийбит сулууспа.
??? Ол да буоллар баһаарынайдар саамай күндү сыаналаах баайдарынан киһи сырдык тыынын өрүһүйэр үтүө идэлээх үлэһиттэрэ буолаллар. Күн бүгүн Ньурбатааҕы 26 №-дээх баһаарынай чааска 128 киһи үлэлиир, икки баһаарынай чаас Ньурбаҕа уонна Антоновкаҕа баар, маны тэҥэ 7 нэһилиэнньэлээх пууҥҥа 10-нуу киһилээх МПЧ-лар үлэлииллэр.
Бүгүн үгэс быһыытынан үөрүүлээх быһыыга-майгыга бастыҥ үлэһиттэрин чиэстээтилэр, наҕараадалары туттардылар.
?️ Ньурбатааҕы баһаарынай чаас салайааччытыгар Вадим Валентинович Васильевка СӨ Баһаары утары сулууспа туйгуна бэлиэ туттарылынна.
Ытыктабыллаах ветераннары, бары үлэһиттэри ууну-уоту ортотунан ааһан, хаһан баҕарар, кими баҕарар өрүһүйэргэ бэлэм байыастары идэлээх күҥҥүтүнэн эҕэрдэлиибит!
✍? “Ньурба” хаһыат