Аҕыйах хонуктааҕыта улууспутугар биир улахан суолталаах докумуоҥҥа илии баттанна.
Бу туһунан Ньурба улууһун баһылыга Алексей Иннокентев бэйэтин Телеграм-каналыгар суруйар. «Сибтрансстрой» ХЭТ-и кытта Ньурбаҕа сууккаҕа 1200 туонна кыамталаах ууну сир анныттан хостоон ыраастыыр ыстаансыйа тутуутун туһунан хантараак түһэрсилиннэ. Ньурбаҕа улахан күүтүүлээх бу эбийиэк тутуута «Ыраас уу» национальнай бырайыакка киирбитэ.
Уопсай сыаната — 510 мөл. солк. Матырыйаалын ыларга быйыл 141 мөл. солк. көрүлүннэ. Хантараак быһыытынан бэдэрээтчит үлэтин 2024 с. бүтэриэхтээх. Оччоҕо дьоммут-сэргэбит уу ситимин устун тиэрдиллэр ыраастаммыт ууну иһиэҕэ.
«Ньурба» хаһыат