Бу күннэргэ Өлөөн улууһун Ээйик сэл. ойуурга баһаар туран, ыгым балаһыанньаҕа олороллор. Ыраах сытар нэһилиэккэ көмө тиийиитэ олус суолталаах.
Ыаллыы сытар Ньурба куорат олохтоохторугар дьаһалталара биллэрии таһаарбыт. “Ээйиктэргэ гуманитарнай көмөҕө кыттыһыҥ диэн ыҥырабыт! Кэнсиэрбэ, макарон уонна буорту буолбат аһылык. Көмө оҥорооччулар бүгүҥҥү күнү көтүппэккэ Ньурба оройуонун дьаһалтатыгар ЕДДС кэбиниэтигэр көмөҕүтүн тиксэрэргитигэр көрдөһөбүт. Айыы киһитэ аһыныгас, күн киһитэ көмүскэс. Гуманитарнай көмөнү тиксэрэ сарсын сарсыарда сөмөлүөт көтүө”, — диэн биллэриигэ суруллубут.
Ньурбалар маладьыастар! Ыраах сытар ыаллыы нэһилиэктэрин сиригэр-уотугар турбут уоту умулларыыга кыттар дьону аһылыгынан хааччыйыыга көмөлөспүттэр.
Ааптар:Женни Стрюкова