Ньурбаттан «Навигатор» экипаж өрөспүүбүлүкэтээҕи «Хаар айан» күрэҕэр чөмпүйүөннээтэ, улууспут былааҕа дьоһуннаахтык күөрэйдэ. Автоспорт кэтэһиилээх тэрээһинэ бэҕэһээ, бүгүн Мэҥэ-Хаҥалас Төҥүлүтүгэр ыытылынна.
Инники да сылларга «Легион-Нюрба» автоклуб экипажтара «Хаар айан» өрөспүүбүлүкэ таһымыгар үрдүк көрдөрүүлэрдээх буолааччылар. Онтон бу сылга абсолютнай чөмпүйүөн буолуу бастакытын кэллэ.
??Ол курдук, «Навигатор» экипаж (Андрей Васильев, Тимур Егомин) хас да этап түмүгүнэн чөмпүйүөн, «Навигатор-Барс» (Виктория Габышева, Анна Данилова) автоледиларга кыайыылаахтар, любителлэргэ «Череп» экипаж (Моисей, Татьяна Черепановтар) II миэстэ. Ааттаах бастакы «Навигатор» экипаж штурмана, «Легион-Нюрба» кулуубу төрүттээччилэртэн биирдэстэрэ Альберт Габышев автомотоспортка бастакы разрядтаах. Бүгүн киниэхэ иккис спортивнай разряды туттардылар.
Онон Ньурба улууһун автоклуба бу сааскы сезоҥҥа Сунтаар, Бүлүү күрэхтэрин ситиһиилэринэн эрэ муҥурдаммата.