Бүгүн, алтынньы 30 күнүгэр, Ньурбатааҕы көтөр фабриката сымыыкка сыллааҕы былаанын толордо. 9 мөл. 700 тыһ. устуука сымыыт ылылынна!
Тэрилтэ салайааччыта Петр Гаврильев сэтинньи 2 күнүттэн кууруссалары өлөрүү саҕаланарын иһитиннэрдэ. «Итиннэ тастан киирэн үлэлиэхтэрэ, уолаттар икки төгүл маннык үлэлээбит уопуттаахтар. — диир кини. — Санитарнай хамыыһыйаларын бара сылдьаллар. Ветеринардар кэлэн эмиэ анаалыс ыла сылдьаллар. Барыта 35 тыһ. устуука куурусса өлөрүллүөхтээх.
Дьоҥҥо атыыланар куурусса этин сыанатын маннык быстыбыт: 20 устууканы кууһунан ылар буоллахха биир куурусса сыаната – 250 солк. 20 куурусса 1 куул буолар, сыаната – баара-суоҕа 5000 солк. Оттон биирдиилээн ылар буоллахха, биир куурусса — 300 солк. Тэрилтэ куурусса этин атыылаһарга маннык төлөпүөнүнэн сайаапкалары ылар: 89142253048. Куурусса этин сороҕун эрийэн фарш оҥоруохтаахпыт.
Саҥа кууруссалары Дьокуускайдааҕы көтөр фабрикатыттан ылыахпыт. Сэтинньи 5 к. бастакы чоппускаларбыт инкубатортан тахсаллар. Саҥа бэтэринээрбитин Дьокуускайга стажировкаҕа ыыттыбыт. Дьокуускайдааҕы көтөр фабрикатыгар 2 нэдиэлэ үлэлиэҕэ. Чоппуускалар вакцинацияны уонна ревакцинацияны ааһалларыгар сылдьыаҕа, кууруссалары бөтүүктэртэн араарсыаҕа. Олунньу 10 күнүттэн саҕалаан ыччат кууруссаларбытын аҕалтыахпыт. Онон үлэ былааннаахтык ыытылла турар.
Геннадий АНТОНОВ