Өрөспүүбүлүкэтээҕи «Оһуокайдаан ойуохха, эһиэкэйдээн тэйиэххэ» оҕолорго оһуокай күрэҕин оройуоннааҕы сүүмэрдиир түһүмэҕэ икки күн ыытылынна.
Күрэххэ барыта 31 оҕо кытынна. Маҥнайгы күн тойон сүбэ күрэххэ кэтэхтэн кыттар оҕолор устан ыыппыт матырыйаалларын сыаналаатылар. Манна, суол-иис сабыллан турарынан, Бордоҥ, Мэҥэдьэк, Күндээдэ нэһилиэктэриттэн ыытыллыбыт сайаапкалары көрдүлэр.
Күрэх иккис күнэ Олоҥхо дьиэтигэр буолла. Манна Ньурба куоратыттан, Мархаттан, Хаҥаластан, Маартан оһуокайдьыт оҕолор муһуннулар.
Күрэхпит бөлөхтөрүнэн түмүгүн билиһиннэрэбит:
7-12 саастарыгар диэри:
1 үрдэл — Степанов Вова (Ньурба к., сал. А.Н. Семенова);
2 үрдэл — Сидоров Вова (Ньурба к., сал. А.Н. Семенова);
3 үрдэл — Гаврильев Степан (Маалыкай, сал. Л.Н. Саввинова).
13-17 сааһыгар диэри:
1 үрдэл — Афанасьева Айыына (Ньурба к., сал. В.Н. Платонов);
2 үрдэл — Герасимов Самир (Күндээдэ, сал. В.Н. Платонов);
3 үрдэл — Яковлева Камелия (Маар, сал. С.П. Федорова).
Кыайыылаах оҕолор күрэх өрөспүүбүлүкэтээҕи түһүмэҕэр кыттар чиэскэ тигистилэр.
Ньурба оһуордаах оһуокайа өрүү дуорайа турдун!
Ньурба култуурата