Эрдэ улахан киһи оҕолорго ааҕар буоллаҕына, бу сырыыга СӨ Оҕо саас сылыгар анаан кинигэни оҕолор аахтылар.
«Октябрьскай нэһилиэк социальнай-экономическай сайдыытыгар кылаатын иһин»бэлиэлээх Октябрьскай нэһилиэк олохтооҕо, РФ үлэтин ветерана, РФ доруобуйа харыстабылын туйгуна, РФ суруйааччыларын союһун чилиэнэ, Антоновкатааҕы «Кыраһа» түмсүү, үйэтин тухары медсестранан үлэлиир Ольга Софронова — Суһум айымньытын 6 «в» кылаас үөрэнээччилэрэ Женя Афанасьев, Камилла Васильева библиотекаҕа кэлбит ыалдьыттарга ааҕан иһитиннэрдилэр.
Элбэх кинигэ ааптара Ольга Васильевна үөрэн туран, оҕолорго, библиотекаҕа кинигэлэрин бэлэх уунна, библиотека үлэһиттэрэ Ольга Софроноваҕа эҕэрдэлэрин тиэртилэр.
Истээччилэр айымньыны ырыттылар, Суһум туһунан кэпсээтилэр, оҕолор кинигэни уһулуччу ааҕалларын, театральнай студияҕа дьарыктаналларын бэлиэтээтилэр.
Бибилэтиэкэ күнүгэр ыытыллыбыт тэрээһиҥҥэ нэһилиэк дьахталларын түмсүүтэ кыттыыны ылла, суруйааччыны кытары ирэ-хоро кэпсэттилэр.