??♂️❄️ Бу күннэргэ Дьокуускайга 26-с төгүлүн «Үөһээ Дьааҥы — тымныы Полюһа» диэн кыһыҥҥы сүүрүү ыытылынна.
Көҕүлээччи экстремал-сүүрүүк Дмитрий Горохов.Барыта 25 кыттааччы 5 уонна 10 км дистанцияҕа сүүрдүлэр.
? Кинилэр кэккэлэригэр биһиги биир дойдулаахпыт Инга Егорова кытынна.
-Ньурбаттан 4 буолан кытынныбыт. Сайыҥҥы өттүгэр син элбэх күрэхтэргэ, марафоннарга кыттар эбит буоллахпына, кыһын бастакыбын холоннум. Биллэн турар, бары өттүнэн ыарахаттардаах. Бу күн оруобуна халлаан тымныы этэ. Мин 5 км уһуҥҥа сүүрдүм, бэйэм ис кыахпын тургутан көрдүм. Сүүрүүнэн хаһыс даҕаны сылын дьарыктанабын. Олус интэриэһинэй уопут ыллым.
✍? Лена Петрова