«Үөрэхтээһин» нацпроект «Хас биирдии оҕо ситиһиитэ» федеральнай бырайыагын биир хайысхатынан «Оҕолору эбии үөрэхтээһиҥҥэ эбии миэстэлэр» тохсол буолар. Бу чэрчитинэн саҥа үөрэх дьылын көрсө, улууспут кэккэ оскуолалара уонна уһуйааннара эбии үөрэх тэриллэринэн хааччылыннылар. Ол курдук «Мейкер» хайысханан Н.И.Прокопьев аатынан Хатыы орто оскуолатыгар уонна Д.И.Павлов аатынан Өҥөлдьө орто оскуолатыгар «3D» принтер уонна бэчээттээн оҥорор оборудование, Малдьаҕар «Чуораанчык» уһуйааныгар 6 эбии роботехника комплега уонна спортивнай хайысханан Ньурба к. «Лесная сказка» уһуйааныгар остуол тенниһин оборудованиета кэллэ.
«Хас биирдии оҕо ситиһиитэ» федеральнай бырайыак «Оҕолору эбии үөрэхтээһиҥҥэ эбии миэстэлэр» хайысхатынан бу этиллэр үөрэх тэрилтэлэрэ саҥа үөрэх дьылыгар үлэлэрин саҕалаата. Бу оҕолор бары араҥаларын ханна олороллорунан, доруобуйаларын туругуттан уонна дьиэ кэргэн балаһыанньатыттан тутулуга суох, эбии үөрэхтээһин тииһимньилээх буоларын хааччыйар соруктаах.
Геннадий АНТОНОВ