СӨ ситэриилээх былааһын ааспыт сыллааҕы отчуота бүгүн Үөдэйтэн саҕаланна. Отчуокка 32 киһи сырытта.
?? Былырыыҥҥы отчуот кэмигэр саҥа оскуолаҕа эбии штат боппуруоһа көтөҕүллүбүтэ быһаарыллыбыт. Маны тэҥэ Төрүт сиригэр мелиоративнай үлэ ыытыыта түһүмэхтэринэн бара турар эбит.
▪️Олохтоохтору элбэх ыстараап олохтоммута долгутар. Тиэргэниҥ таһыгар бөх уматар, түптэлиир тоҕо көҥүллэммэтий, умайыах да бөҕү бэйэбит мунньа, элбэтэ олоробут дииллэр. Т/х миниистирэ Артем Александров билигин спутниковай мониторинг дойду үрдүнэн ыытылла турарын эттэ уонна олохтоох Лесресурс, айылҕа харыстабылын тэрилтэлэрин кытары ситимнээх үлэ ыытан, график курдук олохтоон үлэлэһиэххитин сөп диэн сүбэлээтэ.
Сүөһү ииттэргэ, хаһаайыстыба тэринэргэ туох көмө баарын ыйыталастылар. Көмө баар, ол эрэн ирдэбилэ элбэх эбит. Үлэтэ суох, техникалардаах, сирдээх буолуохтааххын. Баалынан систиэмэлээх 7 мөл.солк. тиийэ көмө харчы көрүллүөн сөп, маны таһынан отчуоттааһына, хонтуруол эмиэ күүстээх. Итини таһынан, социальнай хантыраак нөҥүө эмиэ киирсэн көрүөххэ сөбүн эттилэр.
▪️Сылгы иитиитигэр кэпэрэтиип тэринэн дэриэбинэттэн сылгыны ыраатыннаран, тэйиччи база туттуон баҕалаах дьоҥҥо өйөбүл баар буолуоҕа диэн Артем Александрович эттэ.
Былырыын сотовай сибээс вышкатын РТК туруорбута. Манна анал симка эрэ үлэлиир эбит, Үөдэйтэн таҕыстыҥ да хаппат буолар дииллэр. Онон ити боппуруоһу быһааралларыгар көрдөстүлэр. Улуус салалтата манна үлэлэһиэх буолан эрэннэрдэ.
▪️Итини таһынан -мобильнай биригээдэ кэлиитин; -ыччаты кытары үлэлиир дьоҥҥо туһунан штат; -хамнас кээмэйэ; -гаастааһын ыйытыылара киирэн хоруйданнылар.
▪️Үөдэйдэр биир дойдулаахтара сахалартан көҥүл тустууга бастакы ССРС спордун маастара Дмитрий Данилов аатынан Дьокуускайга уулуссаны ааттыырга, Ньурбаҕа мэҥэ таас туруоруутугар үлэлэһэ сылдьалларын эттилэр.
✍? Лена Петрова