Арассыыйа Геройа Андрей Григорьев наҕараадатын РФ Бэрэсидьиэнэ Владимир Владимирович Путинтан ыларыгар, төрөөбүт нэһилиэгэр култуура дьиэтин туттарарга көрдөспүтэ.
Бу туһунан улуус баһылыга Алексей Иннокентьев бэйэтин Телеграмм-ханаалыгар суруйда.
Боппуруоһу СӨ Култуура уонна духуобунай сайдыытын министиэристибэтэ хонтуруолга тутар. Бүгүн, ыам ыйын 14 күнүгэр, Алексей Михайлович баһылык солбуйааччылара, ИСУ салалтатын уонна Таркаайы нэһилиэгин баһылыга кыттыылаах сүбэ мунньаҕы ыытта.
ИСУ-га уонна Таркаайы нэһилиэгин дьаһалтатыгар кулууп дьиэтин бырайыактааһыҥҥа техническэй сорудаҕы оҥорууну түргэтэтэн, ыам ыйын 20 күнүгэр диэри Култуура уонна духуобунай сайдыытын министиэристибэтигэр ыыталларыгар сорудахтанна. Амма улууһун Соморсун нэһилиэгин кулуубун дьиэтин бырайыагын туһанарга быһаарыы ылылынна.
«Ньурба» хаһыат