??♂️Алтынньы ый 20 күнүгэр «Өрөгөй» Спорка бэлэмнэнии киинин С блогар, үһүс этээскэ баар актовай саалаҕа 16:00 чаастан биир дойдулаахпыт көҥүл тустууга ССРС спордун маастара, Саха сирин уонна Россия үтүөлээх тренерэ Будимир Григорьевич Яковлев олоҕун кэрдиис кэмнэрин сырдатар кинигэ сүрэхтэниитэ ыытыллыа.
«Кинигэ дьоруойа Будимир Григорьевич бу үлэни – тренеригэр, олоххо суолун буларыгар сирдээбит күндү киһитигэр – ССРС, РСФСР, Саха АССР үтүөлээх тренерэ, Саха сирин оскуолаларын үтүөлээх учуутала, ХХ үйэ уһулуччулаах киһитэ Дмитрий Петрович Коркин сырдык кэриэһигэр аныыр. Саҥа киллэрии быһыытынан, куар-кодтарынан киирэн интервьюлары, маастар-кылаастары, эрчиллиилэр видеоларын көрөн кэрэхсиэххитин сөп» — диэн кинигэ автора Петр Павлов бэлиэтиир.
Биир дойдулаахтарбыт, спорду сэҥээрээччилэр саҥа кинигэ сүрэхтэниитин кэлэн көрүҥ-сэргээн!
✍?Ньурбатааҕы спорт управление пресс-киинэ