Улууска ыччат министрэ Петр Шамаев кэллэ. Үлэтэ ыччакка, спорду сэҥээрээччилэргэ туһаайан этиилээх Сүлэ ыччата Ян Афанасьев аатыгар Ньурбаҕа ыытыллар мини-футбол турнирыттан саҕаланна.
Түмэлгэ СВО кыттыылаахтарыгар аналлаах экспозицияны билистэ, үйэтитии чааһыгар дириҥ кэпсэтии буолла. Куорат пааркатыгар көрсүһүүгэ ыалдьыттар историяны билистилэр.
Общественноһы кытта көрсүһүүнү Антоновкаҕа «Түһүлгэ» норуот айымньытын дьиэтигэр улуус баһылыгын ис политикаҕа солбуйааччыта Михаил Пан ыытта. Ыччат министерствота сабаҕалаан буолбакка социологическай чинчийии түмүктэригэр олоҕуран үлэ ыытар. Онон ыччат тоҕо тыа сиригэр кэлбэтин туһунан ыйытыкка хоруй маннык буолла: 1 — самореализация суох, 2 — сөптөөх досуг тиийбэт, 3 — дьиэнэн хааччыллыы, хамнас. Бу 19-27 саастаах ыччат опроһун түмүгэ. Манна туһаайан Петр Витальевич элбэҕи эттэ, холобурдары аҕалла.
Аһаҕас кэпсэтии араас темалары таарыйда: патриотическай иитии, волонтерскай хамсааһын, граннарга кыттыы, уматык, тыа хаһаайыстыбата, о.д.а. Элбэх кэпсэтии СВО тула буолла. Петр Витальевич бэйэтэ бэтэрээн буоларынан, ити хайысхаҕа үлэлэһэринэн тустаах сүбэлэри биэрдэ, чопчу хоруйдаата, түмсүүлээх буоларга ыҥырда. Министр бастакы үлэтин күнэ тимир уустарын мастарыскыайдарыгар түмүктэннэ.
Ньурба улууһун дьаһалтатын пресс-сулууспата.